15 

Comhpháirtithe Tionscadail

  8

Comhpháirtithe gaolmhara

 4 

Láithreáin taispeána

 €20m/£17m

Infheistíocht

Móiminteam an fhuinnimh gheoiteirmigh ar oileán na hÉireann

Ó Léiriú go Claochlú

Sna ceithre bliana amach romhainn cuideoidh tionscadal GEMINI le hastaíochtaí gás ceaptha teasa a bhaineann le táirgeadh teasa a laghdú, sprioc atá lárnach do straitéisí 'An Antais Eorpach', na Ríochta Aontaithe agus na hÉireann chun spriocanna astaíochtaí 2050 a bhaint amach. Tá an tionscadal faoi stiúir Codema, Gníomhaireacht Fuinnimh Bhaile Átha Cliath, agus tacaíonn clár PEACEPLUS leis atá á bhainistiú ag Comhlacht na gClár Speisialta AE (SEUPB) agus atá formhuinithe ag Roinn Comhshaoil, Aeráide agus Cumarsáide na hÉireann agus ag Roinn Geilleagair Thuaisceart Éireann. 

Is foinse fuinnimh atá slán, áitiúil agus neas-nialasach é an fuinneamh geoiteirmeach atá oiriúnach do cheantair uirbeacha agus thuaithe araon, lena n-áirítear úsáideoirí aonair nó líonraí a bhfuil éilimh mhóra teasa orthu. Bainfidh na teicneolaíochtaí geoiteirmeacha a úsáidtear sa tionscadal seo úsáid as fuinneamh teasa ón Domhan chun córais téimh agus fuaraithe ar mhórscála a chumhachtú i bhfoirgnimh na hearnála poiblí amhail linnte snámha, tionscadail tithíochta, oifigí fóntais agus campas ollscoile.
Looking down at booted feet on grass littered with autumn leaves

Fuinneamh Geoiteirmeach 'Éadomhain'

Suiteálfaidh tionscadal GEMINI trí chóras fuinnimh gheoiteirmigh éadomhain (níos lú ná 500 méadar) in Ionad Réigiúnach Spóirt Shligigh (+), Northern Ireland Housing Executive, Béal Feirste (+) and Northern Ireland Water, Béal Feirste. Cuirfidh siad sin teas astaíochtaí neas-nialasacha ar fáil d’fhoirgnimh phoiblí agus cuideoidh siad le haghaidh a thabhairt ar bhochtaineacht breosla.

Léireoidh raon na n-úsáideoirí éagsúla na cineálacha saoráidí ar féidir leo córais fuinnimh gheoiteirmigh a úsáid.
High rise buildings beyond parkland

Fuinneamh Geoiteirmeach 'Domhain'

Forbrófar córas geoiteirmeach domhain (níos mó ná 500 méadar) ag campas Ollscoil Teicneolaíochta Bhaile Átha Cliath i nGráinseach Ghormáin, Baile Átha Cliath le himscrúduithe breise ar acmhainní geoiteirmeacha i gceantar Aontroma.

Infheisteoidh láithreán taispeána Ghráinseach Ghormáin i bpoll tóraíochta domhain 2 km chun indéantacht a léiriú in Éirinn le haghaidh líonra teasa ar scála níos mó. Tuilleadh eolais... Tuilleadh eolais...

Áireofar i gceantar Aontroma bailiú sonraí agus anailís chun deiseanna fuinnimh gheoiteirmigh amach anseo a shainaithint. Tuilleadh eolais...
A senior man looks out through an open kitchen door smiling

Cuimsiú & Rathúnas

Cuimseoidh tionscadal GEMINI sraith gníomhaíochtaí atá dírithe ar inbhuanaitheacht agus ar fhorbairt níos fadtéarmaí na hearnála fuinnimh gheoiteirmigh ar ár n-oileán. Áireofar leis sin cláir oideachais, scileanna agus oiliúna, taighde (eolaíocht shóisialta, agus eolaíocht agus teicneolaíocht), sonraí agus tacair uirlisí do phleanálaithe, cláir rannpháirtíochta poiblí, dearadh samhlacha gnó, agus eolas chun tacú le beartas ar fud oileán na hÉireann ina iomláine. Tuilleadh eolais...
“Is bunchloch de mo phlean eacnamaíoch é an dícharbónú. Mar rogha mhalartach ar bhreoslaí iontaise, tá ról lárnach ag an bhfuinneamh geoiteirmeach maidir le dícharbónú teasa. Déanfaidh tionscadal GEMINI na buntáistí a bhaineann le fuinneamh geoiteirmeach ar fud an oileáin a léiriú agus a chur chun cinn.”
Conor Murphy, tAire Eacnamaíochta, NI

“Tá sé thar a bheith tábhachtach go ndéanfaidh tionscadal GEMINI níos mó ná bonneagar a sholáthar sa ghearrthéarma. Cuirfidh sé le hacmhainn riachtanach inár gcórais phleanála, oideachais, taighde agus deartha fuinnimh, chomh maith le dea-chleachtas maidir le rannpháirtíocht sa phobal. Cuirfidh sé sin réitigh fhadtéarmacha agus tionchar inbhuanaithe ar fáil tar éis an tionscadail ceithre bliana. In éineacht le mo chomhghleacaithe i dTuaisceart Éireann, tá mé ag tnúth le torthaí an tionscadail chomhoibríoch uaillmhianaigh thráthúil seo a fheiceáil.””

tAire Comhshaoil, Aeráide agus Cumarsáide, Eamon Ryan, T.D
Tacaíonn Clár PEACEPLUS leis an tionscadal seo atá á bhainistiú ag Comhlacht na gClár Speisialta AE (SEUPB) agus atá formhuinithe ag an Roinn Comhshaoil, Aeráide agus Cumarsáide (Éire) agus ag an Roinn Geilleagair (Tuaisceart Éireann).
Logos for PEACEPLUS, European Union, UK government, Northern Ireland Executive, Government of Ireland